Ni lehena!
Heldu zaizkit itzuli dudan azken liburuaren nire aleak eta poz-pozik nago emaitzarekin! Míriam Tiradok idatzitako eta Joan Turuk irudiztatutako beste album irudidun bat da eta Ni lehena! du izenburu.
Istorio honetan, aurreko liburuetan ezagutu genuen maitagarria dator berriro eta, oraingoan, beti lehena izan nahi duen haur bati lagunduko dio. Maitagarriari esker, Lukas konturatuko da ez duela zertan etengabe norgehiagoka egon, berdin maite dutelako une oro onena izan ez arren.
Lehiakortasuna kontrolatzeko zailtasunak dituen umeren bat ezagutzen baduzu, primeran etorriko zaio liburu hau… eta gurasoei ere bai! Eskatu liburutegian edo zure auzoko liburu-dendan eta gozatu irakurketaz!
