Sumendi bat daukat eta ez dut arnastu nahi
Badago kalean euskaratu dudan laugarren liburua: Sumendi bat daukat eta ez dut arnastu nahi. Hau ere Míriam Tiradok idatzitako eta Joan Turuk irudiztatutako album irudidun baten itzulpena da eta oso pozgarria izan da itzulpenaz arduratzea.
Oraingoan, Sumendi bat daukat liburuan ezagutu genuen maitagarriak erronka handi bati aurre egin behar dio: Samek ezin du arnastu haserretzen denean pizten zaion sumendia itzaltzeko. Irtenbideren bat aurkitzeko asmoz, beste haur batzuei behatzeari ekiten dio eta, horrela, amorrua kudeatzeko teknika gehiago ikasten ditu. Zein izango da aproposa Samentzat?
Zure inguruko ume bati haserretzen denean lasaitzea kostatzen bazaio eta lehen liburua atsegin izan bazuen, honi ere onura aterako dio zalantzarik gabe.
