Sumendi bat daukat eta Deskonektatuta
Duela gutxi irten dira itzuli ditudan lehen bi liburuak: Sumendi bat daukat eta Deskonektatuta, Míriam Tiradok idatziak eta Joan Turuk irudiztatuak. Nire aleak jaso berri ditut eta poz handia eman dit nire itzulpena hain edizio politetan ikusteak.
Biak ala biak haurrek eta gurasoek elkarrekin irakurtzeko album irudidunak dira: Sumendi bat daukat liburuak amorrua kudeatzen laguntzeko teknikak jorratzen ditu eta Deskonektatuta, berriz, pantailen gehiegizko erabileraz aritzen da. Itzulpen-prozesua oso gozagarria izan da eta espero dut emaitza irakurleei ere atsegin izatea!
Umeekin irakurtzea gustatzen bazaizu, eska itzazu liburutegian edo gehien gustatzen zaizun liburu-dendan!
